دايما لما العربيه تقدم تلاقى الزجاج الامامى بيصنفر ويعمل دواير والرؤيه من خلاله بتبقى ضعيفه
ايه العلاج والوقايه للخدوش الدائريه فى الزجاج الامامى
هل فيه اى حاجه للوقايه وخصوصا لو العربيه زيرو
دايما لما العربيه تقدم تلاقى الزجاج الامامى بيصنفر ويعمل دواير والرؤيه من خلاله بتبقى ضعيفه
ايه العلاج والوقايه للخدوش الدائريه فى الزجاج الامامى
هل فيه اى حاجه للوقايه وخصوصا لو العربيه زيرو
متابع بشده
متابع بأهتمام ..
ممكن العازل المضاد للكسر -- فيلم او فاميه -- وبيبقي علي الازاز من بره وفي ناس عملته هنا ف المنتدي بس تمنه غالي حبتين :)
يا اما تغير البربريز كل فتره :)
في مواد صنفرة بتعمل تلميع للازاز بس معرفش بتتباع فين كنت بشوف حاجات على اليوتيوب كده ...
متابع معاكوا :)
بالنسبة للتلميع فيه حاجة اسمها صابع روج لان شكلها زى صابع الروج و احمر كمان ممكن تسئل عليها فى وسط البلد فى باب اللوق عند الناس بتوع النظارات لكن الصنفرة دى هتتعمل بحجر جلخ حديد و متستغربش انه حديد لكن النتيجة مش مضمونة اوووى لانها بتتعمل فقط للنظارات اللى عدستها زجاج و بتطلع مفهاش الهوا لكن مجربتهاش على برابريز العربية
ده عشان بتمسح الازازر بقوطه زفر زي ما الناس بتقول وبيكون الازازا مليان تراب والفوطه مليانه تراب وتصل احلا صنفره للازاز عندي النيسان ازازها بقه مسخرررررررررره من الدواير اللي فيه تقولش بقاله عشر سنين وكله من البواب
متابع
تصدق فكره حماية الزجاج الامامى بــ عازل مضاد للكسر ممتازه وعمليه جدا وخصوصا مش من الخرابش الصغيره بتاعت فوطه البواب وهيا ناشفه بس كمان عشان عربيات الزلط والرمل الى على طرقنا وانتم عارفينها بتعمل ايه نقر صغيره تقرف وتخليك متعكنن بس ياترى العازل المضاد للكسر ده بيحصله برضه نفس الحكايه يعنى حيحتاج يتغير كل فتره عشان حينصنفر؟؟ وبيتشال ازاى تانى بعد تركيبه ؟؟وسعره بلمتر والتركيب كام؟؟
لو الاجابات ايجابيه مش خساره فيه الفلوس خصوصا لو العربيه زيرو او اززها غالى واكيد انتم عارفين ازاز الشركه لما بيتشال عمره مابيرجع تانى بنفس حالته لو اتغير قصدى طبعى فى اثار السيلكون والخلوص و التفاصيل الصغيره من بره وجوه العربيه
هو بص يا فندم ... بالنسبة لزجاج السياره اذا فيه دوائر ... ممكن تجيب قطنة ببوليش أمريكي وتفضل تدعك تدعك فيه ... وانا مجرب الطريقة دي ... بيصيعلك الدواير الي في القزاز ... لكن النقر والتجاريح مبتضيعش .
بالنسبة للفيلم العازل انا سئلت عنو قالولي البرفريز الامامي ب 450 جنية ... وعليه ضمان خمس سنين ... بس فعلاً نسيت أسئلهم طب بعد خمس سنين بيحصل ايه ؟ هههههههههه وياترى هلاقيكم ولا هلاقيكم سافرتوا وتحياتي .
معلش مجرد تصحيح مفيش حاجة مضادة للكسر لكن تقدر تقول بتقاوم لدرجة معينة,و هيه اصلا موجودة بالبرابريز الامامى عبارة عن طبقة بلاستيك بين طبقتين الزجاج عشان فى حالة الكسر ميقعش على الركاب,لانى شغال فى موضوع الزجاج فعارف البياع لما يحب يضحك و ينصب على الزبون.
حضرتك بص ع الموضوع ده هتلاقي فيه كل المعلومات اللي حضرتك محتاجها
http://www.nilemotors.net/Nile/274719-2012.html
معلش ياباشا احنا مبنتكلمش عن الازاز نفسه وانه مضاد للكسر ,لا احنا بنتكلم عن عازل بيركب ع الازاز فيخلي مقاومته للكسر عاليه وبيحمي من النقر الصغيره اللي بتعملها الرمال والطوب الصغير اللي بيطير من عربيات النقل
بجد عني البوليش بيضيع الدواير دي ؟؟
خود الفيديووو ده وادعي لي
[youtube]http://www.youtube.com/watch?v=hbm3Gpiu2aw&feature=youtube_gdata_player[/youtube]
ايوه البوليش بيلمع فقط لكن مش بيشيل الخدوش اعتقد الحل تغيير الازاز :(((
السبب الفوطه بتاعه البوابين والناس اللى فى الشارع طبعا
وحتى الان تقريبا مفيش حل جزرى
انا عملت كل حاجه فى الأزاز لدرجه انى سنفرته بالطول عشان افرق بين الخرابيش الجديده والقديمه الأزاز عمل خرابيش بالطول والدواير زى ما هى من غير ما تغيير زى ما تكون جوه الأزاز